Sunday, 27 November 2011


पार्थक्य 'म'मा
हिज:
आमाको प्रसव वेदनाको चिच्च्याह्टसँग
बाबाको बाबु हुनुको रमाहटसँग 
 जन्मिएकी एक अबोध प्राणी म
  सबैको आँखाकी नानी म|

आज:
जीवन जिउने क्रममा
सृष्टि चलाऊने भ्रममा 

बनिएकी एक अर्धाङ्गिनी म
कसैको हृदयकी रानी म|

भोलि :
'म' जस्तै थुप्रै 'म' लाइ परिभाषित गर्न
मेरो गाथालाइ सुमधुर सङ्गित भर्न 

जन्मने नासोको निम्ति ममताकी खानी म
विश्वको निम्ति बन्नेछु एक् प्रेरणाको कहानी 'म'||

No comments:

Post a Comment